गरोदर महिलेसाठी पुत्र पाण्याची हाव खूपच भयावह ठरली आहे. तीन मुलींची आई असलेल्या या महिलेने मुलगा मिळवण्याच्या प्रयत्नात असलेल्या कथित धर्मगुरूशी संपर्क साधला. या धर्मगुरूने महिलेच्या डोक्यात 2 इंच जाड खिळा मारला आणि दावा केला की, या वेळी फक्त मुलगाच होईल याची हमी ही खिळा देईल. ही महिला आता हॉस्पिटलमध्ये पोहोचली असून तिच्या जीवात थोडक्यात वाचला आहे.
रूग्णालयात गेल्यावर महिलेने आधी सांगितले की तिने स्वतःच्या डोक्यावर खिळे ठोकला, परंतु नंतर सांगितले की तथाकथित धर्मगुरूकडे मुलगा जन्माला येण्याची हमी देण्यासाठी तिच्या डोक्यात खिळे मारले होते. महिलेला तीन मुली असून तिला चौथ्यांदाही मुलगी होणार असल्याचे डॉक्टरांच्या तपासात निष्पन्न झाले होते. यानंतर महिलेच्या पतीने तिला धमकी दिली की, यावेळी मुलगा झाला नाही तर तो तिला घटस्फोट देईल. घाबरलेल्या महिलेने धर्मगुरू कडे जाऊन यावर उपाय करण्याची विनवणी केली असता त्या बाबाने मुलगा व्हावा म्हणून महिलेच्या डोक्यात चक्क खिळा ठोकला.
जिओ न्यूजनुसार, डॉक्टर हैदर खान यांनी सांगितले की, गर्भवती महिला चिमट्याने तिच्या डोक्यावरील खिळा काढण्याचा प्रयत्न करत हॉस्पिटलमध्ये पोहोचली होती. त्यांनी सांगितले की, मुलीच्या जन्माची बातमी मिळताच धर्मगुरूंच्या सांगण्यावरून महिलेने तिच्या डोक्यात खिळा मारल्याचे सांगितले.
डॉक्टर खान म्हणाले, ‘महिला पूर्ण शुद्धीत होती पण तिला प्रचंड वेदना होत होत्या.’ X-RAY मध्ये महिलेच्या डोक्याच्या समोरच्या भागात हा खिळा गेल्याचे दिसून आले मात्र त्यामुळे मेंदूला काहीही इजा झाली नाही.
डॉक्टर खान यांनी सांगितले की, डोक्याला जड वस्तूच्या साहाय्याने खिळा मारण्यात आला. पेशावर पोलिसांनी सांगितले की, आरोपी धर्मगुरूची ओळख पटली आहे. आरोपी धर्मगुरूवर कायदेशीर कारवाई केली जाईल, असे त्यांनी सांगितले. पोलीस प्रमुख म्हणाले की, आम्ही सीसीटीव्ही फुटेज घेतले असून लवकरच महिलेशी संपूर्ण चर्चा केली जाईल. बाज गुल असे महिलेचे नाव असल्याचे पोलिसांनी सांगितले. डॉक्टरांनी ऑपरेशन करून महिलेच्या डोक्यातील खिळा यशस्वीरित्या काढण्यात आला आहे.