औरंगाबाद जिल्ह्यातील राजकीय घडामोडी..

ByTeamABDnews
एकनाथ शिंदेंच्या गटात सामिल होण्यासाठी 50 कोटी रुपयांची ऑफर..

शिवसेनेचे बंडखोर नेते एकनाथ शिंदे यांच्या गटात सामील होणाऱ्या आमदारांची संख्या दिवसेंदिवस वाढत असून एकनाथ शिंदेंच्या गटात सामिल होण्यासाठी 50 कोटी रुपयांची ऑफर दिल्याचा गौप्यस्फोट शिवसेना आमदार उदयसिंग राजपूत यांनी केला आहे. माझ्याकडे सीसीटीव्ही फुटेज आहे की, परवा फोरच्युनर गाडीत पैसे घेऊन आले होते, पण मी भद्रा मारुतीवर हाथ ठेवायला तयार आहे, मला 100 कोटी दिले तरीही शिवसेनेसोबत गद्दारी करणार नाही, असंही ते म्हणाले.

पडेगाव येथे संतप्त शिवसैनिकांनी बंडखोर आमदार संजय शिरसाठ यांच्या फोटोला काळे फासले.
शिवसेनेविरुद्ध बंडाचा बडगा उगारनार्या आमदारांविरुद्ध राज्यभरातील शिवसैनिक आक्रमक झाले असून, त्यांच्या कार्यालय तोडफोड करून बॅनर फाडले जात आहे, तर कुठे त्यांच्या फोटो काळे फासले जात आहे. मात्र औरंगाबादेतील शिवसैनिक शांत आहेत. याबद्दल शिवसेना नेते चंद्रकांत खैरे यांना पत्रकार परिषदेत विचारले असता, ते संतापून म्हणाले, मी जाऊन तोडफोड करू का? त्यानंतर लगेचच त्यांना सावरत आमदार अंबादास दानवे म्हणाले, की तालुका आणि जिल्ह्यात आमचे मेळावे सुरू आहेत. २२ जूनला क्रांती चौकात राज्यात सर्वात आधी आम्हीच बंडखोरांचा निषेध केला. त्यामुळे आम्ही शांत नाही. आमचे काम सुरूच आहे, असे ते म्हणाले.

Similar Posts