नॅशनल पेन्शन सिस्टीम (NPS) ही ज्येष्ठ नागरिकांसाठी सरकारद्वारे चालवली जाणारी एक उत्तम योजना आहे. ते जास्त आकर्षक बनवण्यासाठी त्यामध्ये वेळो-वेळी बदल केले जातात.
आता ज्येष्ठ नागरिकांना अधिक पेन्शन मिळू शकते, PFRDA ने अनेक नवीन बदल सुचवले आहेत. NPS च्या नियमातील सर्व बदल एक-एक करून समजून घ्या.
1. NPS मध्ये गुंतवणुकीची व्याप्ती वाढेल
NPS मध्ये गुंतवणुकीचे कमाल वय 70 वर्षे करण्यात आले असून आता 70 वर्षांपर्यंतचे नागरिक NPS गुंतवणूक करू शकतात.
2. खाते 75 वर्षे सुरू राहील
PFRDA ने 60 वर्षांच्या वयानंतर NPS मध्ये सामील झालेल्या ग्राहकांना देखील मोठा दिलासा दिला आहे, ते आता 75 वर्षे वयापर्यंत NPS खाते सुरू ठेवू शकतात. इतर सर्व सदस्यांसाठी परिपक्वता मर्यादा 70 वर्षे आहे.
3. 60 वरील लोकांची NPS मधली रुची वाढली
PFRDAच्या सांगितल्या प्रमाणे जेव्हा आम्ही NPS मध्ये प्रवेशाची वयोमर्यादा 60 वरून 65 वर्षे केली, तेव्हा साडे-तीन वर्षांमध्ये 15 हजार सदस्यांनी NPS मध्ये खाते उघडले, ज्यांचे वय 60 वर्षांपेक्षा जास्त होते. त्यामुळे आम्ही कमाल वयोमर्यादा आणखी वाढवण्याचा विचार केला असे PFRDA अध्यक्ष सुप्रतीम बंदोपाध्याय यांनी सांगितले.
4. वार्षिकी शिवाय 5 लाख काढता येतात!
याशिवाय, पीएफआरडीएने असे म्हटले आहे की अशा पेन्शन फंडांमध्ये जे 5 लाख रुपयांपेक्षा कमी आहेत, त्यांच्याकडून पूर्ण पैसे काढले जाऊ शकतात, आतापर्यंत केवळ 2 लाखांपेक्षा कमी पेन्शन फंड असलेलेच पूर्ण रक्कम काढू शकतात. हे पैसे काढणे करमुक्त असेल. आर्थिक वर्षात PFRDA ने NPS मध्ये दहा लाख नवीन ग्राहक जोडण्याचे उद्दिष्ठ ठेवले आहे. गेल्या वर्षी NPS मध्ये 6 लाख नवीन ग्राहक जोडले गेले. NPS आणि अटल पेन्शन योजना (APY) एकत्रितपणे 1 कोटी नवीन ग्राहक जोडण्याची अपेक्षा आहे.
5. हमी परतावा असलेली उत्पादने देखील NPS अंतर्गत येतील
PFRDA ने NPS अंतर्गत हमी परताव्यासह उत्पादने देखील सादर केली आहेत. एन पी एस मध्ये योगदानाची प्रणाली परिभाषित केली आहे, म्हणजेच पेन्शन NPS पेन्शन फंडच्या कामगिरीवर अवलंबून असते.