तुम्हीही 100-200 रुपयांच्या पटित इंधन भरताय का..? अशी होऊ शकते तुमची फसवणूक..

पेट्रोल आणि डिझेलचे दर गगनाला भिडत आहेत आणि अशा परिस्थितीत 100-200 रुपयांच्या फिगर मध्ये पेट्रोल गाडीत टाकले तर अशी फसवणूक होते.

पेट्रोल आणि डिझेलचे भाव गगनाला भिडले आहेत आणि अशावेळी पेट्रोल पंपाने तुम्हाला चुना लावला तर तुमचे मोठे नुकसान होण्याची शक्यता आहे. ग्राहकांना माहितीही पडत नाही आणि पेट्रोल टाकणारे त्यांची फसवणूक करतात. पण ही फसवणूक टाळता येऊ शकते आणि त्यासाठी तुम्हाला फक्त काही गोष्टींकडे लक्ष द्यावे लागेल आणि काही खबरदारी घ्यावी लागेल. या बातमीच्या माध्यमातून आम्ही तुम्हाला पंपावर वाहनात पेट्रोल आणि डिझेल टाकताना फसवणुकीला कसे बळी पडू नये हे सविस्तरपणे सांगत आहोत.

बहुतेक लोक पेट्रोल पंपावर जाऊन 100, 200 आणि 500 रुपयांच्या राउंड फिगरमध्ये तेल भरण्याची ऑर्डर देतात. अनेकवेळा पेट्रोल पंप मालक मशिनवर राउंड फिगर फिक्स करून ठेवतात आणि त्यात फसवणूक होण्याची शक्यता जास्त असते. म्हणूनच राउंड फिगरमध्ये पेट्रोल भरू नका हे महत्त्वाचे आहे. तुम्ही राउंड फिगरपेक्षा 10-20 रुपये जास्त पेट्रोल घेऊ शकता.

▪️दुचाकी किंवा कारच्या रिकाम्या टाकीत पेट्रोल भरल्याने ग्राहकाचे नुकसान होते. याचे कारण म्हणजे तुमच्या कारची टाकी जितकी जास्त रिकामी असेल तितकी जास्त हवा त्यात राहील. अशा स्थितीत पेट्रोल भरल्यानंतर हवेमुळे पेट्रोलचे प्रमाण कमी होते. किमान अर्धी टाकी नेहमी भरलेली ठेवावी.

▪️पेट्रोल चोरी करण्यासाठी पंपमालक अनेकदा अगोदरच मीटरमध्ये हेराफेरी करतात. तज्ञांच्या मते, देशातील अनेक पेट्रोल पंप अजूनही जुन्या तंत्रज्ञानावर चालत आहेत, ज्यामध्ये हेराफेरी करणे खूप सोपे आहे. तुम्हाला वेगवेगळ्या पेट्रोल पंपांवरून इंधन भरवावे आणि तुमच्या वाहनाचे मायलेज सतत तपासत राहावे.

▪️पेट्रोल नेहमी डिजिटल मीटरच्या पंपावरच भरावे. याचे कारण जुन्या पेट्रोल पंपावरील मशिन्सही जुनी असल्याने या मशीनवर कमी पेट्रोल भरण्याची भीती अधिक आहे.

▪️अनेक पेट्रोल पंपावरील कर्मचारी तुम्ही सांगितलेल्या रकमेपेक्षा कमी दरात तेल भरतात. व्यत्यय आल्यावर, ग्राहकांना सांगितले जाते की मीटर शून्यावर रीसेट केले जात आहे. परंतु चुकल्यास अनेकदा हे मीटर शून्यावर आणले जात नाही. त्यामुळे तेल भरताना पेट्रोल पंपाच्या मशीनचे मीटर शून्यावर आहे याची खात्री करून घेणे आवश्यक आहे.

▪️बहुतेक लोक जेव्हा त्यांच्या कारमध्ये इंधन भरतात तेव्हा ते गाडीतून खाली उतरत नाहीत. याचा फायदा पेट्रोल पंप कर्मचारी घेतात. पेट्रोल भरताना वाहनातून खाली उतरून मीटरजवळ उभे रहा.

▪️पेट्रोल पंपावरील इंधन भरण्याचे पाइप लांब ठेवले जाते. पेट्रोल टाकल्यानंतर, ऑटो कट होताच कर्मचारी तात्काळ वाहनातील नोझल काढतात. अशा परिस्थितीत पाईपमधील उरलेले पेट्रोल टाकीत परत जाते. ऑटो कट झाल्यानंतर काही सेकंदांसाठी पेट्रोलचे नोझल तुमच्या वाहनाच्या टाकीमध्ये राहावे, जेणेकरून पाईपमधील उरलेले पेट्रोलही त्यात येईल.

▪️इंधन भरवत असतांना लागल्यानंतर पेट्रोल पंपाच्या व्यक्तीला नोजलवरून हात काढण्यास सांगा. इंधन टाकतांना नोझलचे बटण दाबून ठेवल्याने ते सोडण्याची गती कमी होते आणि चोरी करणे सोपे होते.

▪️असंही घडतं की, तुम्ही ज्या पेट्रोल पंपावर तुमच्या गाडीत इंधन भरायला गेलात, त्या पेट्रोल पंपावरचा कर्मचारी तुमच्या बोलण्यात गोंधळ घालतो आणि तुम्हाला चर्चेत टाकून, लक्ष विचलित करून कमी पेट्रोल भरतात.

▪️इंधन भरवत असतांना मीटर खूप वेगाने चालू असेल तर समजा काहीतरी गडबड आहे. पेट्रोल पंप कर्मचार्‍यांना मीटरचा वेग सामान्य करण्यासाठी सूचना द्या. कदाचित वेगवान मीटर चालवून तुमचा खिसा लुटला जात असेल.

▪️तुम्ही पेट्रोल पंपाच्या मशिनमध्ये शून्य पाहिले असेल, पण रिडिंग कोणत्या ठिकाणाहून सुरू झाले ते पाहिले नाही. तुम्हाला हे लक्षात ठेवावे लागेल की मीटर रीडिंग थेट 10, 15 किंवा 20 अंकांपासून सुरू होते. मीटर रीडिंग किमान 3 पासून सुरू झाली पाहिजे.