राज ठाकरेंनी दिला अल्टिमेटम – म्हणाले ३ तारखेपर्यंत मशिदींमधून लाऊडस्पीकर काढा, अन्यथा…

राज ठाकरे हे त्यांच्या कट्टर हिंदू प्रतिमेसाठी ओळखले जातात आणि याआधीही त्यांनी मशिदींतील लाऊडस्पीकर हटवण्याचा मुद्दा उपस्थित केला आहे.

महाराष्ट्र नवनिर्माण सेनेचे (मनसे) अध्यक्ष राज ठाकरे पुन्हा एकदा लाऊडस्पीकरचा मुद्दा उपस्थित करून चर्चेत आले आहेत. नुकतेच गुढी पाडव्याच्या दिवशी त्यांनी मशिदींमधून लाऊडस्पीकर हटवण्याचा मुद्दा उपस्थित केला होता, त्यानंतर देशभरात चर्चा सुरू झाली.

३ मे पर्यंत लाऊडस्पीकर काढा

त्यांनी त्यांच्या ताज्या विधानात म्हटले आहे की, लाऊडस्पीकरने मुलांना काही त्रास होऊ नये. यासाठी माझ्यावर केस झाली तरी हरकत नाही. ते म्हणाले की, माझ्यावर आधीच १२५ केसेस आहेत. मुस्लीम लोकांनी नमाज पढायची असेल तर ती रस्त्यावर नाही तर घरातच करा, असे राज ठाकरे म्हणाले. ३ तारखेला ईद आहे, तोपर्यंत लाऊडस्पीकर न काढल्यास सर्वत्र हनुमान चालीसा वाजवण्यात येईल, असा अल्टिमेटम त्यांनी दिला.

ते म्हणाले की, महाराष्ट्र सरकारच्या गृह विभागाला माझी विनंती आहे की, आम्हाला कोणतीही दंगल नको आहे, आम्हाला द्वेष नको आहे, आम्हाला महाराष्ट्राची शांतता धोक्यात आणायची नाही आहे. पण आज १२ एप्रिल ते ३ मे या कालावधीत महाराष्ट्रातील सर्व मशिदींच्या मौलवींना बोलावून सांगा, ३ तारखेपर्यंत सर्व मशिदींचे भोंगे काढून टाका. ठाकरे म्हणाले, ‘तुम्ही भोंगे काढलेत, तर ३ तारखेनंतर तुम्हाला आमच्या बाजूने अडचण येणार नाही, जर लाऊडस्पीकर खाली आला नाही, तर तिथे लाऊडस्पीकरवरून हनुमान चालीसा वाजवली जाईल, आणि त्याने सुद्धा फरक नाही पडला तर माझा पुढचा प्लॅन तयार आहे.

हा सण एक दिवसाचा असून तो ३६५ दिवस साजरा करता येणार नाही, असे राज ठाकरे म्हणाले. दंगल होऊ नये, चांगले वातावरण हवे, असे ते म्हणाले. ठाकरे म्हणाले की, मुस्लिम बांधवांना विनंती आहे की, मशिदींतील लाऊडस्पीकर उतरवा. २ एप्रिल रोजी शिवाजी पार्क येथील गुढीपाडव्याच्या मेळाव्यात राज ठाकरे म्हणाले होते की, ते मशिदींवरील लाऊडस्पीकरवरून हनुमान चालिसाद्वारे अजानला उत्तर देतील. यानंतर त्याची देशभरात चर्चा झाली.

शरद पवारांवर निशाणा साधला

शरद पवारांवर निशाणा साधत राज ठाकरे म्हणाले की, त्यांनी वेळोवेळी भूमिका बदलल्या आहेत. आज मी हिंदुत्वाबाबत कोणतीही भूमिका घेतलेली नाही, मात्र नेहमीच भूमिका बदलणारे शरद पवार आज आपल्यावर निशाणा साधत आहेत. पाकिस्तानी कलाकारांचा मुद्दा आला की आमची मनसे आघाडीवर होती.

जर महाराष्ट्र शिवाजी महाराजांचा आहे तर शरद पवार शिवाजी महाराजांचे नाव का घेत नाहीत, असे राज ठाकरे म्हणाले. छत्रपती शिवाजी महाराजांचा ध्वजही भगवा आहे. ते म्हणाले की, निवडणुकीपूर्वी मराठा आरक्षण हा मुद्दा बनवला होता पण आता कुठे गेला आहे? तो केवळ निवडणुकीसाठी उभा केला होता.

आता हे लोक ओबीसीचा मुद्दा उचलून आपल्या स्वार्थासाठी महाराष्ट्राला खड्ड्यात नेतील. त्यामुळे आजही अनेक लोक तुरुंगात आहेत आणि या लोकांमुळे त्यांचे सर्व सण उधळले गेले आहेत. कधीतरी त्यांना तुरुंगातही जावे.

राज ठाकरेंच्या ‘उत्तर सभेतील’ इतर महत्त्वाचे मुद्दे

● शरद पवार हे नास्तिक आहेत. शिवरायांचे नाव घेतले तर मुस्लीम मते जातील, अशी भीती त्यांना आहे. घराघरात शरद पवारांना इतिहास नाही, तर जात बघायची आहे.

● मराठा आरक्षणाचा मुद्दा हा राजकरणासाठी वापरण्यात आला. आता निवडणुकींसाठी ओबीसी आरक्षणाचा मुद्दा तापवण्यात येत आहे.

● सकाळच्या शपथविधीनंतर पवारांनी आवाज काढला. त्यानंतर अजित पवारांना तीन, चार महिने ऐकू येत नव्हते. लॉकडाऊननंतर कान साफ झाले, त्यामुळे अजित पवारांना गुढी पाडव्याचा भोंगा ऐकू आला.

● अजित पवारांच्या घरी रेड पडली, पण सुप्रिया सुळेंच्या घरी नाही. एकाच घरात राहून रेड टाळणं सुप्रिया सुळेंनाा कसं जमलं? सुप्रियांचे खायचे दात वेगळे, दाखवायचे दात वेगळे आहेत.

● पत्रकार परिषदेत एखाद्या वर्तमानपत्राचा संपादक अतिशय खालच्या दर्जेची भाषा वापरतो. यांची प्रॉपर्टी जप्त केली तर त्यांनी पत्रकार परिषद घेत शिव्या दिल्या.

● देशाला परदेशी पंतप्रधान चालणार नाही, ही बोलणारी बाळासाहेब ठाकरे ही पहिली व्यक्ती. त्यानंतर हा धागा पकडत शरद पवार पक्षातून बाहेर पडले. निवडणुकानंतर भूमिका बदलली आणि कृषीमंत्री झाले.

● मशिदीवरचे भोंगे उतरवले नाही तर हनुमान चालीसा लावणारचं. 3 मे पर्यंत मशिदीवरचे भोंगे उतरवा. आम्हाला कुठलीही तेढ निर्माण करायची नाही

● देशात समान नागरी कायदा आणा. देशातील लोकसंख्येवर नियंत्रण आणता येईल, असा कायदा नरेंद्र मोदींनी करायला हवा. या गोष्टी देशात होणे आवश्यक आहे. लोकसंख्येवर नियंत्रण आणले पाहिजे.

● भुजबळांना त्यांच्या संस्थेतल्या गैरव्यवहारामुळे आत जावं लागलं. दोन अडीच वर्षे जेल मध्ये गेल्यानंतर शपथ घेणारा पहिला नेता. जेलमध्ये जाऊन आल्यावरही भुजबळ मंत्री झाले