बांधकाम व्यावसायिक संजय बियाणींच्या हत्येनं हादरलं नांदेड, गोळीबाराचा थरार कॅमेऱ्यात कैद..

महाराष्ट्रातील सुप्रसिद्ध बांधकाम व्यावसायिकाच्या भरदिवसा हत्येने खळबळ उडाली, राज्यातील बड्या नेत्यांशी होते जवळचे संबंध..

▪️हत्याकांडानंतर पोलिसांनी शहरात नाकाबंदी केली.

▪️भरदिवसा घरात घुसून दोन हल्लेखोरांनी गोळ्या झाडल्या.

महाराष्ट्रातील नांदेडमध्ये प्रसिद्ध बांधकाम व्यावसायिक संजय बियाणी यांची अज्ञात हल्लेखोरांनी गोळ्या घालून हत्या केली. या घटनेचा संबंध व्यावसायिक स्पर्धा किंवा खंडणीचा असावा, असा प्राथमिक अंदाज पोलीस घेत आहेत.

महाराष्ट्रातील नांदेडमधून एक धक्कादायक घटना समोर आली आहे. येथे राज्यातील सुप्रसिद्ध बांधकाम व्यावसायिक संजय बियाणी यांच्यावर भरदिवसा त्यांच्या घराबाहेर गोळ्या झाडण्यात आल्या. घटनेनंतर त्यांना गंभीर जखमी अवस्थेत रुग्णालयात नेण्यात आले, तेथे उपचारा दरम्यान त्यांचा मृत्यू झाला.

संजय बियाणी यांचे पूर्ण नाव संजय बालप्रसाद बियाणी आहे. संजय बियाणी हे महाराष्ट्रातील नांदेड भागातील एक प्रसिद्ध व्यापारी होते. रिअल इस्टेट आणि बांधकाम व्यवसायात त्यांचे मोठे नाव होते. याशिवाय संजय बियाणी यांचे राज्यातील बड्या नेत्यांशीही संबंध होते. अनेक मोठ्या प्रकल्पांसाठी ओळखले जाणारे संजय बियाणी, सध्या राज रेसिडेन्सी अपार्टमेंट आणि राज पार्क हे मुख्य प्रकल्प आहेत.

संजय बियाणी यांच्या घरासमोर ही दुर्देवी घटना घडली. संजय आपल्या गाडीतून नांदेडच्या राहत्या घराजवळ पोहोचले, तेव्हाच काही अज्ञात हल्लेखोरांनी त्यांच्यावर गोळीबार केला. हल्लेखोरांनी संजय बियाणी यांच्यावर अगदी जवळून गोळ्या झाडल्याचे सीसीटीव्ही फुटेजमध्ये दिसत आहे. अज्ञात हल्लेखोर दुचाकीवरून आले होते आणि त्यांनी तोंड झाकले होते.

हत्येसाठी देशी पिस्तुल वापरले

पोलिसांनी सांगितले की, गुन्हेगारांनी देशी बनावटीचे पिस्तूल वापरले आहे, जे नांदेड आणि आसपासच्या परिसरात हल्लेखोरांसाठी एक सामान्य शस्त्र आहे. हल्लेखोरांनी ज्या पद्धतीने बिल्डरवर गोळीबार केला, त्यावरून ते व्यावसायिक गुन्हेगार असल्याचे पोलिसांचे म्हणणे आहे.

हल्लेखोरांनी त्यांच्या डोक्यात गोळी झाडली

नांदेडचे प्रसिद्ध बांधकाम व्यावसायिक संजय बियाणी यांच्यावर सकाळी साडेअकराच्या सुमारास घराबाहेर गोळ्या झाडण्यात आल्या. बिल्डर कारने शारदा नगर येथील त्यांच्या घरी जात असताना दुचाकीवरून आलेल्या दोन हल्लेखोरांनी त्यांच्यावर गोळीबार केला. मिळालेल्या माहितीनुसार, बिल्डरच्या डोक्यात गोळी घुसली होती. सध्या पोलिसांनी शहरात नाकाबंदी केली आहे.

या संपूर्ण प्रकरणावर पोलिसांनी सांगितले की, बिल्डरवरील हा हल्ला सुनियोजित असल्याचे दिसते. सुरुवातीच्या वृत्तानुसार, पोलीस सीसीटीव्ही फुटेजवरून गुन्हेगारांची माहिती मिळविण्याचा प्रयत्न करत आहेत.

पोलिसांनी सांगितले की, आम्ही आजूबाजूचे सर्व सीसीटीव्ही फुटेज तपासत आहोत, ज्यामध्ये आम्हाला हल्लेखोरांची माहिती मिळू शकते. नांदेड आणि आजूबाजूच्या परिसरात गुन्हेगारांसाठी सामान्य शस्त्र असलेल्या देशी बनावटीच्या पिस्तुलांचा वापर गुन्हेगारांनी केला असावा, असा प्राथमिक अंदाज पोलिसांनी व्यक्त केला आहे. कारण घटनेच्या फुटेजमध्ये दिसणाऱ्या गुन्हेगारांची मोडस ऑपरेंडी नांदेड परिसरातील कॉन्ट्रॅक्ट किलर्ससारखीच असल्याचे दिसते.

Leave a Reply

Your email address will not be published. Required fields are marked *

error: भाऊ कॉपी नाही करायची; लिंक शेअर करायची...!