चीनमध्ये कोरोना विषाणूचा संसर्ग पुन्हा एकदा झपाट्याने पसरत आहे. मोठ्या प्रमाणात कोरोना रुग्ण आढळल्याने आरोग्य अधिकाऱ्यांची चिंता पुन्हा एकदा वाढली आहे. चीनमधील काही शहरामध्ये अनेक भागांमध्ये हळूहळू लॉकडाऊन लावले जात आहेत. 17 दशलक्ष लोकांना त्यांच्याच घरात ‘कैद’ करण्यात आले आहे.
जगात पुन्हा एकदा कोरोना व्हायरसच्या रुग्णांची संख्या वाढू लागली आहे. चीनमध्येही कोरोनाचा स्फोट झाला आहे. गेल्या एका दिवसात येथे विक्रमी 5,280 नवीन प्रकरणांची नोंद झाली आहे. राष्ट्रीय आरोग्य आयोगाच्या म्हणण्यानुसार, कोविड-19 च्या सुरुवातीपासून एका दिवसात सापडलेल्या नवीन प्रकरणांची ही सर्वात मोठी संख्या आहे. जो गेल्या दोन वर्षांचा विक्रम आहे. ओमिक्रॉनचा कहर सर्वाधिक दिसून आला आहे. कोरोना रुग्णांच्या वाढत्या प्रकरणामुळे पुन्हा आरोग्य अधिकाऱ्यांची चिंतेमध्ये वाढ झाली आहे.
चीन मधल्या 10 शहरांमध्ये लॉकडाऊन
जगात कोरोना पसरवल्याचा आरोप चीनवर होत असतानाच आज तो कोरोनाच्या प्रकोपाचा सामना करत आहे. कोरोना प्रकरण वाढल्यानंतर शांघायमधील अनेक शाळा बंद करण्यात आल्या आहेत. यासोबतच अनेक शहरेही बंद करण्यात येत आहेत. शासकीय अहवालानुसार, चीनमधल्या काही शहरांमध्ये पूर्णपणे लॉकडाऊन लागू करण्यात आला असून वाढत्या संसर्गाच्या पार्श्वभूमीवर सुमारे 10 शहरे आणि काऊन्टीजमध्ये लॉकडाऊन लागू करण्यात आला आहे.
1.70 कोटी लोक घरात कैद
चीनच्या विविध शहरांमध्ये संसर्ग झपाट्याने पसरत आहे. चीनचे टेक हब म्हणून ओळखल्या जाणाऱ्या शेनझेनमध्येही लॉकडाऊन लावण्यात आला आहे. शेवटच्या दिवशी येथे 75 नवीन रुग्ण आढळले आहेत.
ओमिक्रॉनचा प्रकार वेगाने पसरत आहे
चीनमध्येही कोरोनाचा स्फोट झाला आहे. कोरोनाचे ओमिक्रॉन प्रकार चीनमध्ये वेगाने पसरत आहे. सरकारी आकडेवारीनुसार, यावेळी जिलिन प्रांतात कोरोनाचा सर्वात मोठा प्रभाव दिसून येत आहे. सोमवारी येथे 3,000 हून अधिक देशांतर्गत ट्रान्समिशन आढळले. तर आदल्या दिवशी चीनमधील अनेक शहरांमध्ये कोरोना संसर्गाची नवीन 1,337 प्रकरणे नोंदवली गेली.
दोन वर्षातील सर्वाधिक प्रकरणे
चीनमध्ये अचानक झालेल्या कोरोना स्फोटाने जगभरातील देशांची चिंता वाढवली आहे. चीनमध्ये कोविड-19 चे दैनंदिन प्रकरणे दोन वर्षांत सर्वाधिक नोंदली गेली आहेत. सुमारे पाच हजार नवीन प्रकरणे समोर आल्याचे अधिकाऱ्यांनी सांगितले. कोरोनाच्या नवीन रुग्णांमुळे गेल्या दोन वर्षातील सर्वात वाईट परिस्थिती आहे.