प्रवास सुरु करण्याआधीच मिळेल टोल खर्चाचा अंदाज, टोल फ्री रस्तेही दाखवणार; गूगलचं खास फीचर..

Google Maps: प्रवास करण्यापूर्वी तुमच्या Google Maps टोल टॅक्सची एकरकमी गणना करेल. अशा मार्गावर प्रवास करायचा असेल तर टोलसाठी किती पैसे खर्च करावे लागतील याची कल्पना येईल. टोल पास किती आहे आणि तो भरण्यासाठी काय सुविधा आहेत हे देखील तुम्हाला Googup Maps वरून कळू शकेल.

प्रवास करण्यासाठी टोलचे पैसे मोजणे आणि त्याचा हिशोब करणे हे खूप कष्टाचे काम आहे. घरातून बाहेर पडण्यापूर्वीच मनात विचार येतात की, अमूक ठिकाणी टोल लागेल आणि तिथे टोल टॅक्स भरावा लागेल. शिवाय ट्रॅफिक जामचा वेगळाच त्रास होतो. तुम्ही नवीन ठिकाणी जात असाल तर तुम्हाला टोल कुठे आहे आणि त्याचा टॅक्स किती आहे हे देखील माहीत नसते.

जर तुम्हालाही अशा समस्या येत असतील तर गुगलने तुमचे काम सोपे केले आहे. गुगलने आपल्या नकाशावर टोल टॅक्सची माहिती देण्याचे काम सुरू केले आहे. गुगल मॅप तुम्हाला टोल कुठे आहे आणि त्याचा टॅक्स किंवा खर्च किती लागेल हे सांगेल. गूगलच्या साहाय्याने घरातून बाहेर पडण्यापूर्वी किंवा प्रवास सुरू करण्यापूर्वी किती भाडे किंवा टोल आकारला जाईल हे कळेल.

एका प्रसिद्धीपत्रकात असे सांगण्यात आले आहे की प्रवासापूर्वी गुगल मॅप्स तुमच्या टोल टॅक्सची एकरकमी गणना करेल. अशा मार्गावर जायचे असेल तर टोलसाठी किती पैसे खर्च करावे लागतील याची कल्पना येईल. टोल पास किती आहे आणि तो भरण्यासाठी काय सुविधा आहेत हे देखील तुम्हाला Googup Maps वरून कळू शकेल. ठराविक तारखेला तुम्ही टोलमधून गेल्यास किती पैसे द्यावे लागतील हेही गुगल मॅप सांगेल.