‘या’ वयातील लोकांना दारू पिण्याच्या धोका जास्त..!

वैद्यकीय जर्नल द लॅन्सेटने प्रकाशित केलेल्या या अभ्यासात कोणत्या वयोगटातील लोकांना अल्कोहोलच्या सेवनामुळे नुकसान होऊ शकते आणि कोणत्या वयोगटातील लोकांना विशिष्ट प्रमाणात मद्यपान केल्याने फायदा होऊ शकतो याचे सविस्तर वर्णन केले आहे.

आजच्या काळामध्ये अनेकजण दारूचे सेवन करतात. जास्त प्रमाणत दारू पिणे आरोग्यास हानीकारक ठरू शकते असा वैधानिक इशाराही दारूच्या बाटलीवर लिहिलेला असतो आणि तज्ज्ञांनीही जात प्रमाणात दारू न पिण्याचा सल्ला दिला आहे, कारण जास्त प्रमाणात दारू पिल्यामुळे अनेक आजार होऊ शकतात, जसलोक हॉस्पिटल अँड रिसर्च सेंटरचे जनरल मेडिसिन कन्सल्टंट डॉ. रोहन सेकिरा यांच्या मते, आपले शरीर एका तासात फक्त एक पॅक आणि दिवसभरामध्ये एकूण 3 पॅक पचवू शकते, यापेक्षा जास्त मानक पॅक पिणे चुकीचे असते. अलीकडेच केलेल्या अभ्यासात सांगण्यात आले आहे की, कोणत्या वयातील लोकांना अल्कोहोल पिण्याचा धोका जास्त आणि कोणत्या लोकांना फायदा होऊ शकतो.

काय म्हणते संशोधन?

मेडिकल जर्नल द लॅन्सेटच्या अभ्यासानुसार, 40 वर्षे वयाखालील तरुणांना दारू पिण्यामुळे आरोग्यास जास्त धोका असू शकतो. https://www.india.gov.in/ संशोधकांनी 204 देशांमध्ये 1990 ते 2020 दरम्यान 15-95 वर्षे आणि त्याहून अधिक वयोगटातील पुरुष आणि महिलांसाठी 2020 ग्लोबल बर्डन ऑफ डिसीज डेटा वापरून अल्कोहोलमुळे 22 आरोग्य परिस्थितींचा धोका पाहिला. या जोखमींमध्ये दुखापत, हृदयरोग आणि कर्करोग यांचाही समावेश होतो.

या संशोधनात असेही दिसून आले आहे की 40 वर्षे किंवा त्याहून अधिक वयाच्या लोकांना अल्कोहोलच्या सेवनाने काही फायदे मिळू शकतात, पण त्यांनी जर ते फक्त एक किंवा दोन मानक पॅक घेतला तरच. कारण एक किंवा दोन मानक पॅक घेतल्यामुळे हृदयविकार, स्ट्रोक आणि मधुमेहाचा धोका कमी होऊ शकतो. एकट्या अल्कोहोलमुळे 2020 मध्ये 134 कोटी (1.34 अब्ज) पेक्षा जास्त मृत्यू झाल्याची नोंद आहे, ज्यामध्ये 15 ते 49 वयोगटातील लोक सर्वाधिक होते.

अमेरिकेतील वॉशिंग्टन विद्यापीठातील इन्स्टिट्यूट फॉर हेल्थ मेट्रिक्स अँड इव्हॅल्युएशन (IHME) येथील प्रोफेसर आणि वरिष्ठ लेखिका इमॅन्युएला गाकिदौ म्हणाल्या: “या वयातील लोकांमध्ये सुमारे 60 टक्के अल्कोहोल-संबंधित जखम मोटार अपघात, आणि आत्महत्या होतात.

डेटाने लावला दररोज सरासरी अल्कोहोल घेण्याचा अंदाज

संशोधकांकडे असलेल्या डेटावरून, ते दररोज सरासरी अल्कोहोलच्या सेवनाचा अंदाज लावू शकले. मद्यपान न करणाऱ्या व्यक्तीपेक्षा आपल्या आरोग्याला अधिक धोका पत्करण्याआधी एखादी व्यक्ती किती मद्यपान करू शकते याचाही या अभ्यासात अंदाज आहे.

संशोधकांच्या मते, कोणत्याही आरोग्यास धोका होण्यापूर्वी 15-39 वयोगटातील लोकांसाठी अल्कोहोलची शिफारस केलेली रक्कम दररोज 0.136 मानक पेये होती, किंवा प्रमाणित पेयाच्या दशांशपेक्षा किंचित जास्त. ही रक्कम 15-39 वर्षे वयोगटातील महिलांसाठी 0.273 होती, म्हणजेच दररोज प्रमाणित पेयाच्या एक चतुर्थांश. www.india.gov.in एक मानक पेय 10 ग्रॅम शुद्ध अल्कोहोल म्हणून परिभाषित केले आहे जे एका लहान ग्लास रेड वाईनच्या समतुल्य आहे. प्रमाणित पेयाचा आकार 375 मिली बिअर आणि 30 मिली हार्ड अल्कोहोल (व्हिस्की किंवा इतर स्पिरिट) आणि 100 मिली लाल किंवा पांढरा वाइन असतो.

विश्लेषणात असेही दिसून आले आहे की 40 वर्षे आणि त्याहून अधिक वयाच्या प्रौढांसाठी काही प्रमाणात अल्कोहोल पिण्याचे काही फायदे जसे की दारूमुळे इस्केमिक हृदयरोग, स्ट्रोक आणि मधुमेहाचा धोका कमी होऊ शकतो. सर्वसाधारणपणे, 2020 मध्ये 40-64 वयोगटातील व्यक्तींसाठी सुरक्षित अल्कोहोल सेवन पातळी दररोज साधारण एक मानक पॅक (पुरुषांसाठी दररोज 0.527 पेये आणि महिलांसाठी 0.562 मानक पेये) पासून सुमारे दोन मानक पॅक (स्त्रियांसाठी) पर्यंत असते. पुरुषांसाठी दररोज 1.69 आणि महिलांसाठी 1.82 मानक पॅक).

(अस्वीकरण: ही माहिती अभ्यासाच्या आधारे देण्यात आली आहे. आम्ही या लेखात कोणताही दावा करत नाही किंवा आम्ही दारू पिण्यास प्रोत्साहित करत नाही.)