पंतप्रधान नरेंद्र मोदी यांच्या हत्येचा कट रचल्याची बाब समोर आली आहे. ईमेलद्वारे ही बाब उघड झाली आहे. मेल पाठवणाऱ्याने आरडीएक्सच्या माध्यमातून मोठ्या हल्ल्याचा इशारा दिला आहे. हा प्रकार उघडकीस आल्यानंतर सुरक्षा यंत्रणा सतर्क झाल्या आहेत. या संपूर्ण प्रकरणाची माहिती एनआयएला देण्यात आली आहे.
पंतप्रधान नरेंद्र मोदी यांच्या हत्येचा कट रचणाऱ्या दहशतवाद्याला आरडीएक्सचा वापर करायचा होता. ईमेल पाठवणाऱ्या व्यक्तीने म्हटले आहे की, हजारो लोकांना मारण्यासाठी त्याच्याकडे 20 किलो आरडीएक्स आहे. तसेच या कटाचा पर्दाफाश होऊ नये म्हणून आपण आत्महत्या करत असल्याचे ई-मेलरने म्हटले आहे.
एकामागून एक 20 हल्ल्यांची तयारी!
ईमेल पाठवणाऱ्या व्यक्तीने म्हटले आहे की, देशात एकामागून एक 20 हल्ले केले जातील. ईमेलनुसार, त्या व्यक्तीला पंतप्रधान नरेंद्र मोदी यांच्याशी वैयक्तिक वैर दूर करायचे होते. ईमेल पाठवणाऱ्या व्यक्तीने सांगितले आहे की, तो अशा लोकांच्या संपर्कात आहे जे हे काम करू शकतात. त्यामुळे देशात मोठी दुर्घटना घडू शकते. या व्यक्तीने 28 फेब्रुवारीलाच स्लीपर सेल सक्रिय केल्याचे सांगितले आहे. तसेच बॉम्बस्फोटात लाखो लोक मारले जातील असेही त्या व्यक्तीने ईमेलमध्ये लिहिले आहे. धमकीनंतर एजन्सी सतर्क झाल्या आहेत.
मेल लिहिणाऱ्या व्यक्तीचे अनेक दहशतवाद्यांशी संबंध!
या मेलनुसार हल्ल्याची योजना तयार करण्यात आली आहे. मेलमध्ये असे म्हटले आहे की, ज्या व्यक्तीने हा मेल लिहिला आहे त्याचे अनेक दहशतवाद्यांशी संबंध आहेत. नॅशनल इन्व्हेस्टिगेशन एजन्सीनेही गुप्तचर आणि सुरक्षा यंत्रणांना धमकीचे ई-मेल पाठवले आहेत. ज्या मेल आयडीवरून हा मेल आला त्याची चौकशी सुरू आहे. हा ईमेल राष्ट्रीय तपास यंत्रणेच्या मुंबई शाखेकडे आला आहे.
सुरक्षा दलांना दिला अलर्ट
पंतप्रधान मोदींच्या हत्येचा कट उघड झाल्यानंतर सुरक्षा दलांना सतर्क करण्यात आले आहे. ईमेल पाठवणाऱ्याचा शोध घेतला जात आहे.